شمس الحرية

بان من بعيد ضياء الشمس
وأشعة هربت من ضباب اليأس
وقفوا الشباب يستقبلوها
فرشوا الميدان زرعوه سنابل قمح
السمبلة لمعت ووقفت بعود مشدود
اللون دهب والقلب أغلي من الياقوت

لمّا الولاد هتفوا وقالوا لأ
ان الأوان نفتح ببان الحق
ليل الطغاة مش راح يدوم
يا شمس طلي ونورلنا الكون
مفيش مكان للظلم بعد اليوم

صوتك يا وطني يدوي في الأركان
ويعيد كتابة التاريخ في صفحة الميدان

الدنيا شافت فرحة الثوار
قوة الثوار
يبدلوا ليلنا نهار
ويجددوا فينا الأمل
-ونغني تاني - لسة الأغاني ممكنة
ويدور يرن الصدى
لسة الأماني ممكنة
يا شمسنا
لسة بنحلم بالربيع
نحلف بشوقنا وعمرنا
دم الشهيد مش راح يضيع
حلم الشهيد مش راح يضيع

ليلي بدران